BAmbin mio di mama, ti scrivo cusì ti sa che ti go scrito, se ti riva la letera vol dir che la xe rivada, se no la xe rivada scrivime, cusì ti scrivo di novo (stago atenta a scriver pian perché so che no ti legi svelto).
Qua a Muja no xe malamente e gnanca el tempo no xe malamente, setimana pasada ga piovesto solo duve volta, la prima volta tre giorni e la seconda quattro.
El quartier che i ne ga dado xe moderno ma no so se duto funziona ben: la cusina xe bela granda, con duti i lektro-domestichi; xe anca machina “lavastovaglie” che no ne servi erché doparemo giornal vecio che dura bastanza giorni, no tovaia…
El frigo-fero funziona inveze ben, gavemo meso drento patate, nosele, panocie el struto e la patina di scarpe, e di soto xe una bela vascheta comoda che papà tien drento scarpe e calze doperade perché povero ti si ricordi anca ti che el ga sempre forte odor di pie. La Cmara di dormir xe granda, gavemo za meso i ciodi sul muro per corda di sugar. El bagno ga sul muro matonele bianche coi fioreti, però sental dove si fa bisogni no xe comodo: no ga la tavoleta per sentarse e ga spruzo (comodo perché no ocori doprar carta) ma n il buso, cusì i bisogni ghe vol ingrumarli, meterli in una borsa e dopo sul pianerotolo, sinò in casa spuza.
Lavatrice no funziona ben, go meso drento mudande e straze di naso, go serà il covercio e strucado il boton, copo che xe finì il rumor di l’acuq iera sparido duto e no so quando torna indrio la roba: sule istruzioni xe scrito “in due ore la biancheria ritornerà pulita”, ma xe za pasado un giorno.
No rivo capir ben un mobileto di fero bianco pien di botoni coloradi di duti i colori e con finestra tonda di vetro davanti… sto mobile camina pel bagno e spandi per tera duta acua da tubo di goma….
Per il resto duto ben che altretanto spero dei ti, se ti vedi tuva sorela saludimela di parte mia, si no ti la vedi no dirghe gnente.
La tuva mama che ti vol tanto ben, cusì lontan che ti son de mi.
(volevo mandarte un pchi de soldini, ma gavevo za licado e incolado la busta)

8^ classificata con punti 82