MANDRIOI - CIAMA CAFE’
AL BAR:
“ Camerier, un nero”.
“Per mi un deca”.
“La me porti un capo, grazie”
“Un cafè machiato” – “ah, sì, e con una zonta de late fredo”
E ancora: capo in B, espreso, cafè vienese, cafè ala turca, marochin, cafè coreto, american, airish cofi, ristreto, lungo, cafè de machineta, cafè de moka… Mile modi de far el cafè – mile modi de bever cafè.
E per ki no se acontenta, eco el cafè dela Pepina, che no se bevi la matina ne col late ne col té, e ki sa perché.
Ma el cafè da dove ‘riva nele nostre cicherete? Se volè scovrirlo, seguine in sfilata.
Partimo dai campi sparsi nei vari continenti, dove i contadini ingruma le pomele madure dale piante de cafè. Entremo poi nele torefazioni dove i grani vien tostadi , masinadi e impachetadi.
Ala fine del suo viagio el cafè riva nele nostre cìcare per eser gustado da soli o in compagnia.
E per chi no lo savesi, Trieste xe anche sede del’università del cafè, dove sienziati de tuto el mondo vien a studiarlo in tuti i suoi aromi.
| 
| 
| 
| 
| 
| 
| 
