carneval de muja

TESTO BORA

CHE SPONTA!!!

Orpo!se fa presto a dir che sponta. Ma cossa te ga’ sponto? Una bestia ? Un spin ?Un ago?

Questo xe el problema ! No che tipo de sponta che te ga ciapa’, ma cossa che xe’ sta’ a sponzerte.
La faccenda merita una analisi aprofondita.
Xe’ talmente tante le robe che ponzi in sto mondo : bestie,piante, ogeti, umani… che gavemo solo l’imbarazo dela scelta.

Perche’ se xe’ una bestia anche se picia la pol esser sai cativa.

Cossa xe’ de piu’ picio e cativo dele mosche cavaline?

E volemo meter le zanzare tigre , quele no te da’ pase specie de note.

Anche i scorpioni te pol far sai mal ma almeno i xe’ meio no andarli a carezar.

Po’ xe’ le piante che le te frega : le xe’ bele e te ghe va rente e magari le te ponzi come le rose che te va per sentir el profumo , te le ciol in man e te se ponzi.

Per non parlar dei cardi, quei no te li ciol in man , ma co te ghe camini vizin te se ponzi eccome !

Per no parlar de tute le robe che se dopra a casa o fora ogni giorno se no te sta atento te ciapi certe sponte!

Uno per tuti el puntaspilli. Sempre pien de aghi in tuti i versi e se no te sta ben atento sa che sponte!

A meno che le robe no te le ponzi ti per far strighezi come le bamboline wodoo dove te fichi el spilon e te fa el strighezo.

Ma i pezo xe’ i umani, quei xe’ tremendi specie co’ i ciapa qualche roba pericolosa in man .

Varda cossa che ga fato Akab a quela povera balena coi sui arpioni.

O tutti quei indiani che ga impini’ Custer de frece!

E senza andar tanto lontan pensemo al nostro Omo Vespa che imperversava da San Giacomo a Roian.

Ma ala fin fine noi gavemo paura solo de ela la zanzara , quela che ne rompi giorno e note co le sue sponte e che noi dela BORA gavemo pensa’ come simbolo dela sfilata e che gavemo messo sul caro!

Allora ocio ale sponte!

Bookmark/Search this post with:

 |   |   |   |   |