Mandrioi - Artisti de strada

Artisti de strada noi semo,
a Muja col carozon rivemo,
semo trampolieri, funamboli e giocolieri de tutte le raze,
per el divertimento de giovani, veci, ragazi e ragaze.
Tra noi xe' anche qualche artista più coragioso,
el spuda fogo, ma non xe' pericoloso!
Qualchedun ariva de più lontan,
el doma l'orso come fosi un can.
Xe' quei che ingruma fioi intorno a un teatrin,
con buratini, marionete, insoma un vero casin.
Xe' el tacabanda che per eser particolare,
se riempi de strumenti per far dele bele sonade!
Xe' poi l'artista più moderno,
el fa el mimo, ma de fermo!
Noi artisti anche per tera dipingemo,
e per bontà dela gente qualche soldo ciapemo.
I artisti xe' anche tra la muleria,
che disegna sui muri e i ralegra la via.
Noi, artisti de strada, adeso ve saludemo
e a caval del bruco in qualche altro posto andemo!