carneval de muja

Bambin mio di mama,

ti scrivo cusì ti sa che ti go
scrito, se ti riva la letera vol dir che la xè rivada, se no
la xè rivada scrivime, cusì ti scrivo di novo ( stago
atenta a scriver pian perché so che no ti legi svelto).

Qua a Muja no xe’ malamente e gnanca
el tempo no xè malamente, settimana pasada gà piovesto
solo duve volte, la prima volta tre giorni e la seconda quattro.

El quartier che i ne gà dado xè
moderno ma no so se duto funziona ben: la cusina xè bela
granda, con duti i lektro-domestichi; xè anca machina
“lavastovaglie” che no ne servi perché doparemo giornal
vecio che dura bastanza giorni, no tovàia…..

El frigo-fero funziona inevze ben,
gavemo meso drento patate, nosele, panocie e’l struto e la patina
di scarpe, e di soto xè una bela vascheta comoda che papà
tien drento scarpe e calze doperade perchè povero ti si
ricordi anca ti che el gà sempre forte odor di pie.

La Camara di dormir xè granda,
gavemo zà meso i ciodi sul muro per la corda di sugàr.

El bagno ga sul muro matonele bianche
coi fioreti, però sentàl dove si fa bisogni no xè
comodo: no gà la tavoleta per sentarse e gà spruzo (
comodo perchè no ocori doprar carta) ma no il buso, cusì
i bisogni ghe vol ingrumarli, meterli in una borsa e dopo sul
pianerotolo, sinò in casa i spuza.

Lavatrice no funziona ben, gò
meso drento mudande e straze di naso, gò serà il
covercio e strucado il boton, dopo che xè finì il rumor
di l’acua iera sparido duto e no so quando torna indrio la roba:
sule istruzioni xè scrito “in due ore la biancheria
ritornerà pulita”, ma xè za pasado un giorno.

No rivo capir ben un mobileto di fero
bianco pien di botoni coloradi di duti i colori e con finestra tonda
di vetro davanti.... sto mobile camina pel bagno e spandi per tera
duta acua da tubo di goma....

Per el resto duto ben che altretanto
spero di ti, se ti vedi tuva sorela saludimela di parte mia, si no ti
la vedi no dirghe gnente.

La tuva mama che ti vol tanto ben, cusì
lontan che ti son de mi.

( volevo mandarte un pochi de soldini,
ma gavevo za licado e incolado la busta)

Bookmark/Search this post with:

 |   |   |   |   |